Yuxarı
    Bağlamaq

    Dövlət əmlakının icarə haqlarının ödənilməsində yenilik edilib

    İcarəçilər icarə haqlarını artıq paypointda da ödəyə biləcəklər

    Bakı. 27 aprel. REPORT.AZ/ Əmlak Məsələləri Dövlət Komitəsi (ƏMDK) dövlət əmlakını icarəyə götürən şəxslər tərəfindən icarə haqqı borclarının ödənilməsində yenilik edib və ödəmə imkanlarını daha da genişləndirib.

    “Report” Komitəyə istinadən xəbər verir ki, əvvəllər yalnız bank və internet üzərindən ödənilməsi mümkün olan icarə haqlarını artıq icarəçilər ölkənin istənilən nöqtəsində olan ödəmə məntəqələrində (“paypoint”) ödəyə biləcəklər. Bu yenilik Komitənin mövcud informasiya sisteminin Mərkəzi Bank tərəfindən yaradılan Hökumət Ödəniş Portalına inteqrasiyası nəticəsində tətbiq edilib.

    "Dövlət əmlakının icarəçisi istənilən ödəmə məntəqəsinə yaxınlaşmaqla icarə haqqı borcu barədə məlumatı əldə edə və müvafiq ödənişi həyata keçirə bilər. Bu, bank və ya kompüter-internet imkanlarının olmadığı yerlərdə xüsusilə əlverişlidir. Bununla yanaşı, icarəçi borcu ödəmək üçün banka müraciət etmək və ya plastik kart vasitəsilə internet üzərindən ödənişi həyata keçirmək imkanına da malikdir", - deyə məlumatda bildirilir.

    Hazırda dövlət əmlakının icarəsi üzrə aylıq ödənişlərin həm Komitənin elektron xidmətlər portalından (www.e-emdk.gov.az), həm Hökumət Ödəniş Portalından (www.e-gov.az), həm də müxtəlif ödəmə məntəqələrindən aparılması mümkündür. 

    Qeyd edək ki, Komitə istifadəçilərə 31 elektron, 2 onlayn və 3 SMS xidmət təqdim edir. Bu 31 elektron xidmətdən 21-i daşınmaz əmlakın qeydiyyatı, 10-u isə dövlət əmlakının özəlləşdirilməsi, idarə edilməsi və icarəsi ilə bağlıdır. Eyni zamanda, bu xidmətlərin 27-si interaktiv, 4-ü isə informativ xidmətlərdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi