Dəmir yolu ilə Qazaxıstandan Azərbaycana gətirilən taxıl güzəştli tariflə daşınacaq

Bakı. 19 mart. REPORT.AZ/ “Rusiya Dəmir Yolları” ASC Qazaxıstandan Azərbaycana dəmir yolu ilə gətirilən taxılın 45% güzəştli tariflə daşınmasına qərar verib.

“Report” Rusiya mətbuatına istinadən xəbər verir ki, bu barədə qurum məlumat yayıb.

Məlumatda deyilir ki, martın 1-dən başlayaraq bu ilin sonuna qədər Qazaxıstandan Rusiya ilə sərhədə (Kiqaş), oradan isə Azərbaycanla sərhədə (Samur) qədər taxıl daşımalarında 0,55 indeksi tətbiq olunacaq.