Cavid Qurbanov: "Azərbaycandan keçən tranzit yüklərin həcmi artırılacaq"

Bakı. 13 oktyabr. REPORT.AZ/ Bu il ərzində Azərbaycandan keçməklə Ukrayna-Orta Asiya nəqliyyat marşrutu üzrə hərəkət edən dəmir yolu yük vaqonlarının sayı artıb. Ötən il Azərbaycandan keçən vaqonların sayı 460 idisə, bu il onların sayı 2 000 ədədi üstələyib.

"Report" xəbər verir ki, bunu "Azərbaycan Dəmir Yolları" QSC-nin sədri Cavid Qurbanov açıqlayıb.

"Biz ölkədən keçən tranzit yüklərin həcmini daha da artıracağıq. Hazırda yeni tranzit yüklərin axtarışları ilə məşğuluq", - deyə C.Qurbanov əlavə edib.