Yuxarı
    Bağlamaq

    Buxarestdə TRACECA-nın növbəti iclası keçiriləcək

    Azərbaycanı iclasda Akif Mustafayev təmsil edəcək

    Buxarest. 22 may. REPORT.AZ/ Mayın 23-də Rumıniyanın paytaxtı Buxarestdə Avropa-Qafqaz-Asiya beynəlxalq nəqliyyat dəhlizi (TRACECA) Hökumətlərarası Komissiyasının Daimi Katibliyinin iclası keçiriləcək.

    “Report”un Şərqi Avropa bürosunun məlumatına görə, Rumıniya Parlamentinin inzibati binasında baş tutacaq toplantıda cari il üzrə fəaliyyət planı, strateji yol xəritəsi layihəsi, maliyyə məsələləri, mövcud layihələrin icrasının gedişi və digər məsələlər müzakirə olunacaq.

    Ölkəmizi iclasda TRACECA Hökumətlərarası Komissiyasının Azərbaycan üzrə milli katibi Akif Mustafayev təmsil edəcək.

    Hazırda TRACECA-nın Hökumətlərarası Komissiyasına Ukrayna sədrlik edir.

    Qeyd edək ki, 2001-ci ildən Bakıda fəaliyyətə başlayan TRACECA Hökumətlərarası Komissiyasının Daimi Katibliyi əlaqələndirmə funksiyasını icra edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi