Yuxarı
    Bağlamaq

    Beyləqanda çirkab sularının təmizlənməsi mərkəzinin tikintisi üçün tender elan edilib

    İnşaat işləri ADB-nin ayırdığı sonuncu kredit tranşı hesabına aparılacaq

    Bakı. 15 sentyabr. REPORT.AZ/ Asiya İnkişaf Bankının (ADB) “Su təchizatı və kanalizasiyaya İnvestisiya Proqramı” çərçivəsində “Azərsu” ASC-yə ayırdığı kredit çərçivəsində tender elan olunub. “Report” xəbər verir ki, müraciətlər üçün son tarix oktyabrın 27-i Bakı vaxtı ilə saatı 16:00 müəyyən edilib.

    Məlumata görə, tender Beyləqanda 10 min kubmetrlik çirkab sularının təmizlənməsi mərkəzinin tikintisi üçün elan edilib.

    Tenderin şərtlərinə görə, tikinti müddəti 12 aydır. Satınalma müsabiqəsində iştirak etmək istəyən şirkətlərin minimal illik tikinti dövriyyəsi 40 mln. ABŞ dollarına bərabər olmalıdır. Həmçinin, namizəd şirkət son 3 ildə oxşar layihələrdə iştirakını da təsdiq etməlidir.

    Bundan əlavə, iddiaçı mövcud öhdəlikləri qarşılamaq üçün 6 mln. dollarlıq likvid aktivlərə malik olmalıdır, həmçinin, 16 mln. dollarlıq bank zəmanəti təqdim etməlidir.

    Tenderin əsas şərtlər toplusunu əldə etmək istəyən iddiaçılar 500 manat yaxud 310 dollar məbləğində içtirak haqqı ödəməlidir.

    Qeyd edək ki, ADB “Azərsu” ASC-yə 75 mln. dollar dəyərində kredit ayırıb. Bu, “Azərsu”ya “Su təchizatı və kanalizasiyaya İnvestisiya Proqramı” çərçivəsində ayrılan vəsaitin sonuncu, IV tranşdır.

    Ümumilikdə, 600 mln. dollar həcmində olan kreditin ilk üç tranşı Göyçay, Ağdaş və Beyləqanın su şəbəkəsinin qurulması üçün ayrılıb.

    Məlumata görə, sonuncu 75 mln. dollarlıq kredit də Ağdaş və Beyləqan rayonlarında içməli su təchizatının yaxşılaşdırılması və çirkab sularının təmizlənməsi mərkəzinin inşasına xərclənəcək.

    Xatırladaq ki, “Azərsu” ADB-dən birinci tranşla 75 mln. dollar, ikinci tranşla 300 mln. dollar, üçüncü tranşla isə 150 mln. dollar vəsait cəlb edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi