Yuxarı

"BakuBus"ın avtobuslarında tariflər fərqli olmayacaq

Nazir müavini Musa Pənahov: Vətəndaşlardan bircə xahişimiz bu avtobuslara diqqətlə yanaşmaqdır

Bakı. 12 may.REPORT.AZ/ Bakı şəhərinin ictimai nəqliyyat sahəsində göstərilən bütün xidmətlərin qiymətləri tənzimlənir. Yeni yaradılan "BakuBus" MMC-də də tətbiq ediləcək qiymətlər bugünkü tariflərlə eyni olacaq.

"Report"un məlumatına görə, bunu nəqliyyat nazirinin müavini Musa Pənahov "BakuBus" MMC-yə məxsus avtobuslarda gediş haqqının artırılacağına dair yayılan xəbərləri şərh edərkən bildirib: "Tariflərdə heç bir dəyişiklik olmayacaq".

M.Pənahovun sözlərinə görə, hər bir kəs bilməlidir ki, paytaxta gətirilən yeni avtobuslar daha müasirdir: "Bəlkə də Avropada çox az istifadə olunur. Ona görə də vətəndaşlardan bircə xahişimiz bu avtobuslara diqqətlə yanaşmaq, hər bir şeyi qorumaqdır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi