Yuxarı
    Bağlamaq

    Bakının yollarında hava şəraiti ilə əlaqədar sürət həddi azaldılıb

    Məqsəd hərəkətin təhlükəsizliyini təmin etməkdir

    Bakı. 31 yanvar. REPORT.AZ/ Hazırda paytaxtda qarlı hava şəraiti müşahidə edilsə də, paytaxtın yollarında ciddi tıxac yoxdur. 

    Bu barədə "Report"a Bakı Nəqliyyat Agentliyinin (BNA) İctimai əlaqələr və maarifləndirmə şöbəsinin rəhbəri Mais Ağayev məlumat verib. 

    Məlumata görə, meteoroloji amilləri nəzərə alan sürücülər nəqliyyat vasitələrini aşağı sürətlə idarə etdiyindən bəzi küçə və prospektlərdə, o cümlədən Tbilisi prospekti, Ziya Bünyadov prospekti, ("Koroğlu" metro/stansiyası istiqamətində) Heydər Əliyev prospekti,  Xocalı prospekti (mərkəzə doğru), Abdulvahab Salamzadə (mərkəzə doğru), Həsən Əliyev, Yusif Səfərov küçələrində nəqliyyat vasitələrinin hərəkətində sadəcə sıxlıq müşahidə edilir.

    Hava şəraiti ilə əlaqədar Bakının əsas avtomagistrallarında - Heydər Əliyev prospekti - Hava limanı istiqamətində, eləcə də Nobel prospekti - Zığ yolu-Hövsan istiqamətində bütün zolaqlar üzrə sürət həddi 20 km/saat aşağı salınıb. Bu addım qeyd edilən yollarda hərəkətin təhlükəsizliyini təmin etmək məqsədilə atılıb. 

    BNA bir daha sürücü və piyadalardan meteoroloji amilləri mütləq şəkildə nəzərə alaraq diqqətli olmalarını xahiş edir.  

    Onu da qeyd edək ki, qurum müşahidə kameraları vasitəsi ilə paytaxtın küçə və prospektlərinə nəzarəti gücləndirib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi