Bakının mərkəzi yollarında nəqliyyatın hərəkəti məhdudlaşdırılıb

Bakı. 1 aprel. REPORT.AZ/ Bu ilin iyun ayında Bakı şəhərində keçiriləcək "Formula 1" yarışına hazırlıq işləri ilə əlaqədar Neftçilər prospektinin Zərifə Əliyeva küçəsi ilə kəsişməsindən Əziz Əliyev küçəsi ilə kəsişməsinədək olan hissəsində yolun 3 zolağında və Əziz Əliyev küçəsində nəqliyyat vasitələrinin hərəkəti məhdudlaşdırılıb. 

"Report"un məlumatına görə, bu barədə Nəqliyyatı İntellektual İdarəetmə Mərkəzindən yayılan məlumatda bildirilib. 

Qeyd edilir ki, bu səbəblə əlaqədar Yusif Səfərov, Neftçilər və Üzeyir Hacıbəyov küçələrində nəqliyyat vasitələrinin hərəkətində sıxlıq müşahidə olunur. Sürücülərə alternativ yollardan istifadə etmələri tövsiyə olunur.