Bakının iki rayonuna içməli suyun verilməsində məhdudiyyətlər olacaq

Bakı. 20 iyun. REPORT.AZ/ Sabah saat 09:00-dan 15:00-dək Bakı şəhərinin Nəsimi və Nərimanov rayonlarının bir hissəsinə içməli suyun verilməsində məhdudiyyətlər olacaq.

“Azərsu” ASC-dən “Report”a verilən məlumata görə, məhdudiyyət Nəsimi rayonu, Səməd Vurğun və Mərdanov qardaşları küçələrindən keçən magistral su kəmərlərinin köçürülməsi ilə əlaqədardır.

Yaranan narahatlıqla əlaqədar “Azərsu” ASC abonentlərdən üzr istəyir.