Bakıda nəqliyyatın hərəkətində bir neçə istiqamət üzrə sıxlıq yaranıb

Bakı. 15 oktyabr. REPORT.AZ/ Bu gün səhər saatlarında Bakıda nəqliyyat vasitələrinin hərəkətində bir neçə istiqamət üzrə sıxlıq qeydə alınıb.

Nəqliyyatı İntellektual İdarəetmə Mərkəzindən "Report"a verilən məlumata görə, hazırda Bakı-Sumqayıt şosesi (paytaxt istiqamətində), A.Bakıxanov küçəsində (İzmir parkının qarşısı), İnşaatçılar prospektində (Dövlət Statistika Komitəsinin qarşısı), Tbilisi prospekti (hər iki istiqamətdə az sıxlıq) və Ziya Bünyadov prospektində (Koroğlu metro stansiyası yaxınlığında körpünün üstü) nəqliyyatın sıxlığı müşahidə edilir.