Yuxarı
    Bağlamaq

    Bakıda nəqliyyat vasitələrinə texniki baxış müasir ölçü cihazları ilə aparılıb

    Bu barədə elektron daşıyıcılarda müvafiq qeydiyyat aparılıb

    Bakı. 24 iyul. REPORT.AZ/ Kənd Təsərrüfatı Nazirliyinin Baş Dövlət Texniki Nəzarət Müfəttişliyinin Bakı şəhər şöbəsi Müfəttişliyin “Səyyar Xidmət” qrupu ilə birlikdə “Azərsu” ASC-nin balansında olan traktor və digər mexaniki nəqliyyat vasitələrinə dövlət texniki baxışı keçirib.

    Nazirlikdən "Report"a daxil olan məlumata görə, nəqliyyat vasitələrinin texniki baxışı zamanı tüstüyə operativ nəzarət portativ cihazı, mexaniki nəqliyyat vasitələrinin sükan idarəetməsinin boşluğunun ölçü cihazı, yoldasınama üsulu ilə tormoz sisteminin effektivliyinin ölçü cihazı kimi müasir cihazlardan istifadə edilib.

    Texniki baxışa təqdim edilən nəqliyyat vasitələrinin texniki vəziyyətinin dövlət standartlarının və digər normativ-hüquqi aktların tələblərinə uyğunluğu yoxlanılıb və nəticədə həmin nəqliyyat vasitələrinə dövlət texniki baxışdan keçməsinə dair akt tərtib edilərək, dövlət texniki baxış talonu verilib. Bu barədə elektron daşıyıcılarda müvafiq qeydiyyat aparılıb.

    Həmçinin, nəqliyyat vasitələrinin mülkiyyətçilərinə müəyyən edilmiş müddətdə dövlət texniki baxışından keçmədiyi təqdirdə İnzibati Xətalar Məcəlləsinin 340.1-ci maddəsinə əsasən, “fiziki şəxslərin 50 manat məbləğində, vəzifəli şəxslərin 100 manat məbləğində, hüquqi şəxslərin 300 manat məbləğində cərimə edilməsi” məsələsi izah edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi