Yuxarı
    Bağlamaq

    Bakıda Dəmir Yolları Əməkdaşlıq Təşkilatına üzv ölkələrin Nazirlər Müşavirəsinin sessiyası keçirilir

    Abid Şərifov: Azərbaycan nəqliyyat sektorunun inkişafına 25 mlrd. dollar yatırıb© Report.az

    Bakı. 9 iyun. REPORT. AZ/ Bu gün Bakıda Dəmir Yolları Əməkdaşlıq Təşkilatına üzv ölkələrin Nazirlər Müşavirəsinin 44-cü sessiyası keçirilir. 

    "Report" xəbər verir ki, tədbirdə çıxış edən Azərbaycan baş nazirinin müavini Abid Şərifov hökumətin nəqliyyat sektorunun inkişafına və yol infrastrukturuna böyük diqqət yetirdiyini bildirib. 

    "Azərbaycan müstəqillik əldə etdiyi dövrdən nəqliyyat sektorunun inkişafına 25 mlrd. dollar sərmayə yatırıb. 10 min km-lik avtomobil yolları salınıb, 5 hava limanı inşa edilib. Bundan başqa, "Azərbaycan Hava Yolları" QSC-nin təyyarə parkı yenilənib", - deyə A.Şərifov qeyd edib. 

    Baş nazirin müavini qeyd edib ki, bu sahənin inkişafı, habelə Azərbaycan ərazisindən yükdaşıma prosesinin sadələşdirilməsi üçün bir sıra xarici dövlətlərlə mütəmadi olaraq danışıqlar aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi