Yuxarı
    Bağlamaq

    Bakıda daha 9 piyada keçidinin tikintisinə başlanılacaq - VİDEO

    Hazırda isə 11 ərazidə piyada keçidlərinin inşası işləri aparılır

    Bakı. 4 noyabr. REPORT.AZ/ Piyadaların avtomobil yollarını rahat və təhlükəsiz şəkildə keçməsini təmin etmək istiqamətində “Azəravtoyol” ASC tərəfindən kompleks tədbirlər həyata keçirilir. 

    ASC-nin Mətbuat Katibliyindən "Report"a verilən xəbərə görə, bu tədbirlər çərçivəsində Bakı şəhərində bir neçə yerdə yerüstü və yeraltı piyada keçidlərinin inşası aparılır.

    Sözügedən piyada keçidləri avtonəqliyyat vasitələrinin və piyadaların intensiv hərəkət etdiyi ərazilərdə inşa edilir. Məqsəd həm piyadaların rahat və təhlükəsiz şəraitdə avtomobil yollarını keçməsini təmin etmək, həm də avtonəqliyyat vasitələrinin fasiləsiz və maneəsiz hərəkətini təşkil etməkdir.

    İlkin olaraq hazırda 11 bu cür yerdə keçidlərin inşası aparılır. Bu, aşağıdakı ərazilərdir:

    1. Bakı-Quba-Rusiya sərhədi avtomobil yolunun 12-ci km-i (Xırdalan qəbirstanlığının yaxınlığı), 13,7-ci km-i ("Mətanət-A" şirkətinin yaxınlığı) və 27,7-ci km-i (Ceyranbatan qəsəbəsi);

    2. Bakı-Şamaxı-Yevlax avtomobil yolunun 12,3-cü km-i (Sulutəpə qəsəbəsi), 23,5-ci və 24,4-cü km-i (Müşfiq qəsəbəsi);

    3. Bakı-Ələt-Qazax-Gürcüstan sərhədi avtomobil yolunun 18-ci km-i (hərbi hissənin yaxınlığı);

    4. Nobel prospekti ilə Xəqani Rüstəmov küçəsinin kəsişməsi (yeraltı keçid);

    5. Zabrat-Maştağa avtomobil yolunun “Sabunçu körpüsü”ndən düşən hissəsi;

    6. Zığ-Hövsan avtomobil yolunun 1,8-ci və 4,3-cü km-i.

    Artıq həmin keçidlərdən ikisində işlər yekunlaşmaq üzrədir. Bu, Bakı-Quba-Rusiya sərhədi avtomobil yolunun 12-ci km-də və Zabrat-Maştağa avtomobil yolunun “Sabunçu körpüsü”ndən düşən hissəsində inşa edilən yerüstü piya keçidləridir. Bakı-Sumqayıt yolundakı keçiddə artıq son tamamlanma işləri aparılır. Belə ki, keçidin pilləkan və asma hissəsi tam hazırdır, hazırda dirəklərin üzlənməsi işləri aparılır. “Sabunçu körpüsü”nün yaxınlığındakı keçidin tikintisi isə son mərhələdədir.

    Bundan başqa daha 9 yerdə yaxın zamanda keçidlərin tikintisinə başlanılacaq. Bu, aşağıdakı ərazilərdir:

    1. Bakı-Quba-Rusiya sərhədi avtomobil yolunun 27-ci km-i (Ceyranbatan qəsəbəsi);

    2. Bakı-Şamaxı-Yevlax avtomobil yolunun 13-cü km-i (Hökməli dairəsinin yaxınlığı);

    3. Bakı şəhərinin Yasamal rayonu, Hüseyn Cavid parkının qaşısında (yeraltı keçid);

    4. Mərdəkan-Zağulba yolunda ("Xrustalnı" deyilən ərazi);

    5. Qala-Pirallahı avtomobil yolunun 3,6-cı km-i;

    6. Zığ-Hövsan avtomobil yolunun 2,6-cı km-i;

    7. Bakının Xətai rayonu, Neapol küçəsi (171 nömrəli məktəbin yaxınlığı), həmçinin M.Hadi və S.Ə.Şirvani küçələrinin kəsişməsi;

    8. Moskva prospekti, “Şamaxinka” deyilən ərazi.

    İnşası aparılan və yeni inşa olunacaq yerüstü piyada keçidləri 1 və 2 aşırımlı (orta dayaqlı) olmaqla yüngül konstruksiyalıdır. Keçidlərin bir neçəsi istisna olmaqla əksəriyyəti üstü açıq və pilləkan hissədən ibarətdir.

    Yaxın zamanlarda zəruri olan digər ərazilərdə də piyada keçidlərinin inşaası nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi