Yuxarı
    Bağlamaq

    ​Bakıda bəzi yollarda sürət həddi azaldılıb

    Zolaqlar üzrə sürət həddi 20 km/saat azaldılıb

    Bakı. 4 dekabr. REPORT.AZ/ Bakıda müəyyən avtomobil yollarında maksimal hərəkət sürəti aşağı salınıb. Nəqliyyatı İntellektual İdarəetmə Mərkəzindən (NİİM) "Report"a verilən məlumata görə, dünəndən etibarən sürət həddinin azaldılması ilə əlaqədar elektron tablolarda dəyişiklik edilib.

    Belə ki, "Koroğlu" metro stansiyasından başlayaraq Buzovna qəsəbəsində Prezident iqamətgahının qarşısına kimi yollarda hərəkət sürəti aşağı salınıb.

    “Zolaqlar üzrə sürət həddi 20 km/saat azaldılıb. Belə ki, yollar üzrə sürət həddi müvafiq olaraq 120 km/saat-dan 100-ə, 100 km/saat-dan 80-ə, 80 km/saatdan 60-a endirilib. Sürət həddinin azaldılmasına səbəb meteoroloji vəziyyətin, hava şəraitinin pisləşməsidir”, - deyə NİİM-dən bildirilib.

    Əlavə edilib ki, hava şəraiti normallaşacağı təqdirdə yollarda hərəkət sürəti əvvəlki həddə çatdırılacaq.

    Qeyd edək ki, aşağı hərəkət sürəti olan yerlərdə dəyişiklik edilməyib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi