Bakıda bəzi yollar bağlanıb

Bakı. 19 mart. REPORT.AZ/ Bu gün səhər saatlarında Bakının bəzi yollarında avtonəqliyyat vasitələrinin hərəkəti dayandırılıb. 

"Report" xəbər verir ki, məsələn, hazırda paytaxtın Nobel və Neftçilər prospektlərinə maşınların daxil olmasına icazə verilmir. 

Həmin avtomagistrallara daxil olmaq istəyən sürücülər başqa istiqamətlərə yönəldilir. 

Məsələ ilə bağlı bir qədər sonra Bakı Nəqliyyat Agentliyinin açıqlama yayacağı gözlənilir.