Yuxarı
    Bağlamaq

    Bakıda baş verən zəncirvari qəza "Azəryolservis"ə 6 min manatadək ziyan vurub

    Hadisə nəticəsində 56 paqonmetr əyri xətli dəmir tirləri və 1 ədəd yol nişanı sıradan çıxıb

    Bakı. 26 noyabr. REPORT.AZ/ Bu gün günorta saatlarında Bakı Dairəvi-1 avtomobil yolunun 9-cu kilometrliyində baş vermiş zəncirvari avtomobil qəzası zamanı yol təsərrüfatına ziyan dəyib.

    Nəqliyat Nazirliyinin “Azəryolservis” ASC-dən "Report"a daxil olan məlumata görə, Bakı Dairəvi-1 avtomobil yolunun Lökbatan dairəsi istiqamətində hərəkətdə olan “Daewoo” markalı 10-TB-307 dövlət nömrə nişanlı Bakı-Qazax reysi üzrə sərnişin daşıyan avtobus yol ayrıcında olan əyri xətli dəmir tirlərə dəyib.

    İlkin ehtimallara görə, sərnişin avtobusunun sürücüsü ara məsafəsinin düzgün seçilməməsi səbəbindən qarşıda olan avtomobillərlə toqquşmanın qarşısını almaq üçün idarə etdiyi nəqliyyat vasitəsini əyri xətli dəmir tirlərə çırpıb. Nəticədə 56 paqonmetr əyri xətli dəmir tirləri və 1 ədəd yol nişanı sıradan çıxıb.

    "Baş vermiş qəza zamanı yol təsərrüfatına ilkin hesablamalara görə 5 800 manat ziyan dəyib. Dəymiş ziyanla bağlı fakt aktlaşdırılaraq aidiyyəti üzrə göndərilib", -  “Azəryolservis”dən bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi