Yuxarı

​Bakıda avtobuslar üçün müvəqqəti dayanacaq meydançaları inşa olunur

Dayanacaqlar idmançıların arenalara daşınması məqsədilə nəzərdə tutulan avtobusların saxlanılması üçündür

Bakı. 3 mart. REPORT.Az/ Bakı şəhərinin "Koroğlu" metro stansiyası yaxınlığındakı ərazidə idmançıların Atletlər Kəndindən idman arenalarına daşınması məqsədilə nəzərdə tutulan avtobusların saxlanılması üçün müvəqqəti dayanacaq meydançaları inşa olunur. Bunu "Report"a Nəqliyyat Nazirliyi “Azəryolservis” ASC-nin Mətbuat Katibliyinin rəhbəri Pünhan Mürsəliyev bildirib.

Onun sözlərinə görə, dayanacaq meydançalarını ayırmaq məqsədilə həmin əraziyə səki daşları düzüləcək: "Bununla da arenaya gedən avtobusların duracaq yerləri müəyyənləşəcək".

Qeyd edək ki, sözü gedən meydança drenaj sistemi ilə təmin olunub. Bundan əlavə, həmin ərazidə işıqlandırma və digər abadlıq işlərinin aparılması nəzərdə tutulub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi