Bakı. 19 oktyabr. REPORT.AZ/Bakının əsas küçə və prospektlərində sentyabr ayında nəqliyyat vasitələrinin orta hərəkət sürəti artıb.
Bu barədə Nəqliyyatı İntellektual İdarəetmə Mərkəzindən (NİİM) "Report"a daxil olan məlumatda bildirilir.
Belə ki, Nəqliyyatı İntellektual İdarəetmə Mərkəzi tərəfindən idarə olunan yol kəsişmələrində işıqforlara yeni vaxt planlarının tətbiq olunması, irəli sürülən təkliflər və Ziya Bünyadov prospektinin tam istifadəyə verilməsi nəticəsində Bakı şəhərinin əsas küçə və prospektlərində bu ilin sentyabr ayında ötən illə müqayisədə nəqliyyat vasitələrinin orta hərəkət sürəti artıb.