Yuxarı

Bakı və Doha arasında iki aviareys ləğv edilib

Bakı və Doha arasında iki aviareys ləğv edilib
Reyslərin hansı səbəbdən ləğv edildiyi məlum deyil

Bakı. 15 iyun. REPORT.AZ/ Doha (Qətər) və Krasnoyarskdan (Rusiya) Bakıya, eyni zamanda əks istiqamətdə uçmalı olan təyyarə reysləri ləğv olunub.

Heydər Əliyev Beynəlxalq Hava Limanından "Report"a bildiriblər ki, reyslərin hansı səbəbdən ləğv edildiyi məlum deyil.

Məlumata görə, iyunun 15-də, Bakı vaxtı ilə 01:25-də Dohadan Bakıya gəlməli olan "QR 247" saylı reys və 03:30-da Bakıdan Dohaya uçmalı olan "QR 248" saylı aviareys ləğv edilib.

Eyni zamanda, iyunun 14-də, Bakı vaxtı ilə 20:30-da Krasnoyarskdan Bakıya gəlməli olan "IO 247" saylı reys və 21:30-da Bakıdan analoji istiqamətdə uçmalı olan "IO 248" saylı reys ləğv edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi