Yuxarı
    Bağlamaq

    Bakı-Tbilisi-Qars dəmir yolu 2017-ci ilin əvvəlində istifadəyə veriləcək

    Nazir Ziya Məmmədov: Həm yük, həm də sərnişin daşınması təmin ediləcək

    Tbilisi. 12 fevral. REPORT.AZ/ Bakı-Tbilisi-Qars (BTQ) dəmir yolunun istismarına 2017-ci ilin əvvəlindən tam şəkildə başlanacaq.

    "Report"un verdiyi xəbərə görə, bu barədə Azərbaycanın nəqliyyat naziri Ziya Məmmədov Tbilisidə keçirilən BTQ dəmir yolu layihəsi üzrə Üçtərəfli Koordinasiya Şurasının 7-ci görüşü çərçivəsində məlumat verib.

    "Artıq bütün ağır işlər geridədir. Həm Gürcüstan, həm Türkiyə ərazisində tamamlama işləri aparılır. Eyni zamanda, Azərbaycan ərazisində müəyyən yenidənqurma, dəmir yolunun modernləşdirilməsi istiqamətində tədbirlər həyata keçirilir. Layihə 2017-ci ilin əvvəlindən tam şəkildə icra olunmağa başlayacaq. Qatarların hərəkəti təmin olunacaq. Həm yük, həm də sərnişin daşınması təmin ediləcək. Bir sözlə, Avropa ilə Asiya arasında yeni bir pəncərə açılır ki, bu pəncərədən baxanlar hər iki qitənin gözəl şəkildə birləşməsinin bir daha şahidi olacaqlar. İnsanların dini, milli mənsubiyyətindən asılı olmayaraq sivilizasiyaların birləşməsi prosesi daşımaçılıq vasitəsi ilə həyata keçiriləcək", - deyə nazir qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi