Yuxarı

Bakı-Sumqayıt yolunun bir hissəsi bağlanır

Təmir işləri ilə əlaqədar ərazidə nəqliyyatın hərəkəti müvəqqəti məhdudlaşdırılır

Bakı. 16 sentyabr.REPORT.AZ/ Bakı-Sumqayıt avtomobil yolunun 12-ci km-də ( “Xırdalan qəbirstanlığı”) yerüstü piyada keçidinin metal konstruksiyasının quraşdırılması ilə əlaqədar olaraq ərazidə avtonəqliyyat vasitələrinin hərəkətinə məhdudiyyət tətbiq olunacaq.

"Azəravtoyol" ASC-dən "Report"a daxil olan məlumata görə, sentyabr ayının 17-si saat 12:00-dan etibarən yolun Bakı şəhəri istiqamətinə doğru olan hissəsi, 18 sentyabr saat 07:00-dan isə Sumqayıt şəhəri istiqamətinə doğru olan hissəsi hərəkət üçün qısa müddətə bağlanacaq. Məhdudiyyət sentyabr ayının 18-dən 19-na keçən gecəyədək tətbiq olunacaq.

"Sürücülər alternativ olaraq Xırdalan şəhərinin daxili avtomobil yollarından istifadə etməklə hərəkətlərinə davam edə bilərlər. Belə ki, Sumqayıt istiqamətindən gələn avtonəqliyyat vasitələri 16,5-ci km-dən ( "VAZ dairəsi”) və ya 13-cü km-dən (Masazır yol ötürücüsü) Xırdalan şəhərinə daxil olaraq, daha sonra 11-ci km-də Xırdalan dairəsinə çıxmaqla hərəkətlərini davam etdirəcək. Göstərilən alternativ yolla Bakı istiqamətindən gələn sürücülər də istifadə edə bilərlər", - məlumatda qeyd edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi