Yuxarı
    Bağlamaq

    ​Bakı-Moskva aviareysi təxirə salınıb

    Buna AZAL-ın təyyarəsindəki texniki nasazlıq səbəb olub

    Bakı. 21 may. REPORT.AZ/ Bu gün saat 11:10-da Bakıdan Moskvaya uçmalı olan təyyarənin sərnişinləri saat 13:40-da başqa təyyarə ilə yola salınıb. Bu barədə "Report"a Heydər Əliyev Hava Limanının dispetçer xidmətindən məlumat verilib.

    Məlumata görə, AZAL-ın Bakı-Moskva aviareysini yerinə yetirən “Boing-757” təyyarəsi havaya qalxdıqdan sonra yaranmış texniki nasazlıq səbəbindən təcili olaraq yenidən Bakı aeroportuna eniş edib. Nasazlıq hidrosistemlərin birində təzyiqin düşməsi ilə bağlı olub.

    Heydər Əliyev Hava Limanının dispetçer xidmətindən saat 12:15-də Moskva-Bakı reysi ilə uçmalı olan təyyarənin 20 dəqiqə gecikmə ilə uçduğu və vaxtında Bakıya çatacağı, 16:15-də realaşmalı olan Bakı-Moskva reysinin isə 5 dəqiqə təxirə salındığı bildirilib: "Növbəti, 16:15-ə planlaşdırılan "Aeroflot"un SU-1854 reysi ilə hərəkət edən "Airbus-320-200" təyyarəsinin uçuşu ləngiyəcək. Təzə qrafikə görə, bu təyyarə Bakıdan Moskvaya 16:20-də uçacaq".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi