Yuxarı

Bakı Metropoliteni tender elan edib

Müsabiqə metro vaqonları üçün ehtiyat hissələrinin alınması üçün keçirilir

Bakı. 19 fevral. REPORT.AZ/ "Bakı Metropoliteni" QSC qatarların hərəkət təhklükəsizliyini təmin etmək məqsədilə 81-717, 81-714 seriyalı metro vaqonları üçün ehtiyat hissələrinin satın alınması ilə əlaqədar tender keçirir.

"Report"un rəsmi mətbuata istinadən verdiyi məlumata görə, tender iki lot üzrə keçirilir. İlk lot metro vaqonları üçün ehtiyat hissələrinin, ikinci lot isə vaqonların təmirində istifadə edilən mexaniki, pnevmatik, elektrik və elektron ehtiyat hissələrinin alınması üçün keçirilir. Bu lotlarda iştirak haqqı müvafiq olaraq 400 manat və 500 manatdır.

Tenderdə iştirak etmək istəyənlər zəruri sənədləri martın 7-dək, tender təklifi və bank təminatını isə martın 15-dək QSC-nin icraya nəzarət, kargüzarlıq və təsərrüfat işləri şöbəsinə (Bakı şəhəri, M. Rəfili küçəsi,20) təqdim etməlidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi