Yuxarı
    Bağlamaq

    "Bakı Metropoliteni" könüllü yığıb

    Bu gün könüllülərə təlim keçiriləcək

    Bakı. 20 may. REPORT.AZ/ Gələn ay Bakıda keçiriləcək I Avropa Oyunları üçün “Bakı Metropoliteni” QSC-də bələdçilik edəcək könüllülərin qəbul prosesi başa çatıb. Artıq könüllülərin seçimi olub və dünəndən etibarən qeydiyyatı aparılıb.

    Məsələ ilə bağlı "Bakı Metropoliteni" QSC-nin mətbuat xidmətinin rəhbəri Nəsimi Paşayev "Report"a bildirib ki, bu gündən təlimlərə başlanılıb.

    "Könüllülər əsasən tələbələrdir. Onlara ayrı-ayrı sahələr - təhlükəsizlik, metropolitendən istifadə qaydaları, Azərbaycan və Bakının tarixi, gəzməli yerlər haqqında məlumat veriləcək və təlimlər keçiriləcək. Təlimlər xüsusilə xarici qonaqların verə biləcəkləri suallarla bağlı olacaq", - deyə N.Paşayev bildirib.

    Qeyd edək ki, təxminən 80 könüllü seçilib. Onlar metro stansiyalarının giriş və çıxışlarında, "Ask me" ("Məndən soruş") yazılı xüsusi geyimdə olacaqlar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi