Bakı Beynəlxalq Avtovağzal Kompleksi daha 2 gün gücləndirilmiş iş rejimində çalışacaq

Bakı. 3 yanvar. REPORT.AZ/ Bakı Beynəlxalq Avtovağzal Kompleksində gücləndirilmiş iş rejiminin müddəti 2 gün uzadılıb. 

“Report” xəbər verir ki, bu barədə Nəqliyyat, Rabitə və Yüksək Texnologiyalar Nazirliyinin Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova məlumat verib. 

"Xidmət olaraq ölkənin 60 avtovağzal və avtostansiya şəbəkəsində gücləndirilmiş iş rejimini yanvar ayının 5-nə qədər uzatdıq. Bir daha xahiş edirik ki, biletlərinizi avtovağzallarımızın kassalarından əldə edəsiniz. Əks halda qeyri-qanuni daşımalar icra edən işbazların qeyri-peşəkar sürücüləri ilə müşayət olunacaq səfərinizin yol-nəqliyyat hadisəsi ilə nəticələnməsinə dair risk yüksəkdir”,- o bildirib.