Bakı. 4 mart. REPORT.AZ/ “Azərsu” ASC kimyəvi reagentlər və avadanlıqların satın alınması məqsədilə açıq tender elan edib.
“Report” xəbər verir ki, bu barədə rəsmi mətbuatda məlumat verilib.
Tender 2 lot - kation formalı poliamid tərkibli suda həll olan flokulyantın satın alınması (Lot-1) və laboratoriya üçün tələb olunan reagent və avadanlıqların satın alınması (Lot-2) üzrə keçirilir. Hər lot üzrə iştirak haqqı 200 manatdır.
İddiaçılar ilkin sənədləri aprelin 3-nə qədər, tender təkliflərini isə aprelin 11-nə qədər "Azərsu"nun inzibati binasının yerləşdiyi Bakı şəhəri, Yasamal rayonu, Moskva prospekti, 67 ünvanına təqdim etməlidirlər.
Təkliflərə aprelin 12-də, saat 15:00-da qeyd olunan ünvanda baxılacaq.