Yuxarı

“Azərsu” Bakının bəzi küçələrində kanalizasiya sisteminin daşmasının səbəblərini açıqlayıb

Anar Cəbrayıllı: ““Azərsu” ASC-nin xüsusi texnikaları və FHN-in yanğınsöndürənləri fəsadları aradan qaldırmağa çalışır

Bakı. 17 oktyabr. REPORT.AZ/ “Bakıda yağan intensiv yağışın fəsadlarının aradan qaldırılması üçün operativ işlər görülür”.

Bunu “Report”a açıqlamasında “Azərsu” ASC-nin İctimaiyyətlə əlaqələr departamentinin rəisi Anar Cəbrayıllı deyib.

Onun sözlərinə görə, hazırda “Azərsu”nun, Fövqəladə Hallar Nazirliyinin və “Azəravtoyol”un rəsmiləri fəsadların baş verdiyi ərazilərdədirlər: “İntensiv yağışlar nəticəsində müəyyən küçələrdə, xüsusən də Biləcəri qəsəbəsinin bəzi hissələrində, Ziya Bünyadov prospektində, Yeni Yasamaldakı küçələrdə su yığılmaları müşahidə olunur. Yağıntılar intensiv olduqda kanalizasiya şəbəkələri artıq suyu axıda bilmir və kənarda su gölməçələri yaranır. “Azərsu”nun xüsusi texnikaları və FHN-in yanğınsöndürənləri fəsadları aradan qaldırmağa çalışır”.

A.Cəbrayıllı Bakının bəzi yerlərində kanalizasiya lyuklarinin fontan vurmasına da münasibət bildirib. O deyib ki, küçələrdəki çirkab suları və digər tullantılar birbaşa kanalizaya şəbəkəsinə axıdılır: "Bununla da şəbəkə intensiv yağışlar zamanı tam yüklənir. Haradakı aşağı çökək nöqtələr varsa, su ora yığılır və şəbəkə tam gücü ilə işləsə belə, çatdıra bilmir. Ona görə də qapaqlar kənara atılır. Belə hallar Biləcəri qəsəbəsində, Ziya Bünyadov prospektində və bir neçə ünvanda qeydə alınıb. Bu da xəttin tutulması ilə bağlı deyil. Sadəcə sistem dolur və təzyiqdən qapaq atır”.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi