Azərbaycanın 3 şəhərinin baş planı hazırlanır

Bakı. 17 may. REPORT.AZ/ Dövlət Şəhərsalma və Arxitektura Komitəsi indiyə qədər ölkənin 41 şəhərinin baş planını hazırlayıb. 

"Report" xəbər verir ki, bu barədə Komitənin sədri Samir Nuriyev məlumat verib.

O həmçinin bildirib ki, hazırda daha 3 şəhərin baş planı hazırlanır. Bu rəqəm ilin sonuna qədər artacaq. Bununla belə, S.Nuriyev söhbətin hansı şəhərlərdən getdiyini açıqlamayıb.