Yuxarı

Azərbaycanda yeni magistral yol istismarı idarələri yaradılıb

Yeni müəssisələr magistral avtomobil yollarına nəzarət edəcək

Bakı. 22 iyun. REPORT.AZ/ Azərbaycanda avtomobil yolları təsərrüfatı sahəsində idarəetmə sisteminin təkmilləşdirilməsi məqsədi ilə yeni magistral yol istismarı idarələri yaradılıb. Yeni qurumların yaradılması təşkilati fəaliyyətin təkmilləşdirilməsi və səmərəliliyin artırılmasına xidmət edəcək. Bunu "Report"a "Azəravtoyol" ASC-nin mətbuat xidmətinin rəhbəri Anar Nəcəfli bildirib.

Onun sözlərinə görə, ümumilikdə 7 magistral yol idarəsi yaradılıb.

"Bu idarələrin yaradılması Dünya Bankının "Azəravtoyol"un qarşısında qoyduğu tələblərdən biri idi. Magistral yol istismarı idarələri ancaq magistral yollara xidmət göstərəcək. Magistral yol istismarı idarələri Bakı-Quba-Rusiya dövlət sərhədi, Bakı-Şamaxı-Yevlax, Yevlax-Zaqatala-Gürcüstan sərhədi, Bakı-Ələt-Qazax-Gürcüstan sərhədi, Yevlax- Qazax-Gürcüstan sərhədi və digər magistral avtomobil yollarına nəzarət edəcək", - deyə A. Nəcəfli bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi