Yuxarı
    Bağlamaq

    ​Azərbaycanda Torpaqların Elektron Kadastr Uçotu Sistemi yaradılır

    Uçot sisteminin proqram təminatının yaradılması işi 8 aya yekunlaşacaq

    Bakı. 19 noyabr. REPORT.AZ/ Əmlak Məsələləri Dövlət Komitəsi Bakı və Sumqayıt şəhərlərinin kadastr tarixlərində ilk dəfə olaraq, hər iki şəhərin müfəssəl elektron kadastr məlumat bazasını yaradıb, onların rəqəmsal kadastr xəritələrini tərtib edib. Bu bazada hər bir torpaq parseli, onların üzərindəki tikili barədə müfəssəl məlumatlar toplanıb.

    "Report" Komitənin mətbuat xidmətinə istinadan bildirir ki, gələn ilin birinci yarımilliyində Gəncə şəhərində və Şəki rayonu üçün də mükəmməl kadastr hazır olacaq. Ölkənin 53 rayon mərkəzinin ərazilərinin də torpaq uçotu işinə başlanılıb.

    Eyni zamanda, bu layihə çərçivəsində yaxın iki il ərzində daha 13 min ha ərazidəki torpaqlar və onların üzərindəki daşınmaz əmlak barədə müfəssəl kadastr işi yekunlaşacaq. Bununla yanaşı, artıq kənd təsərrüfatı təyinatlı torpaqlarda da torpaq uçotu işinə başlanılıb.

    Bununla belə, torpaq uçotu işləri yekunlaşmış Bakı, Sumqayıt, Gəncə şəhərlərinin bələdiyyə xəritələrinin tərtibi işinə hazırlıq gedir. Həmçinin uçot sisteminin proqram təminatının yaradılması işinə başlanılıb və bu işin yaxın 8 ayda yekunlaşdırılması nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi