Yuxarı
    Bağlamaq

    Azərbaycanda standartlaşdırma və metrologiya müəssisələrinin özəlləşdirilməsinə icazə verilir

    Bununla bağlı Dövlət əmlakının özəlləşdirilməsi haqqında qanuna dəyişiklik edilməsi nəzərdə tutulub

    Bakı. 17 oktyabr. REPORT.AZ/ Azərbaycanda standartlaşdırma və metrologiya müəssisələrini özəlləşdirmək mümkün olacaq. "Report" xəbər verir ki, bununla bağlı "Dövlət əmlakının özəlləşdirilməsi haqqında" qanuna dəyişiklik edilməsi nəzərdə tutulub. 

    Prezident İlham Əliyevin qanunvericilik təşəbbüsü ilə Milli Məclisə göndərdiyi dəyişikliklər layihəsinə əsasən, standartlaşdırma və metrologiya müəssisələrinin özəlləşdirilməsinə icazə veriləcək. 

    Patent xidmətinin özəlləşdirilməsinə qoyulan qadağa isə qüvvədə qalacaq. 

    Xatırladaq ki, mövcud maddəyə əsasən, patent xidməti ilə yanaşı, standartlaşdırma və metrologiya müəssisələrini özəlləşdirmək də qadağan idi. 

    Qeyd edək ki, dəyişiklik layihəsi Milli Məclisin oktyabrın 20-də keçiriləcək payız sessiyasının son plenar iclasında müzakirə olunacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi