Yuxarı
    Bağlamaq

    Azərbaycanda sərnişindaşıma xidmətləri ucuzlaşıb

    May ayında MDB ölkələrinə aviareyslər bahalaşıb, uzaq xaricə isə ucuzlaşıb

    Bakı. 9 iyun. REPORT.AZ/ Bu ilin may ayında nəqliyyat sektorunda yükdaşıma tarifləri 0,1% bahalaşıb, sərnişindaşıma tarifləri isə 0,2% ucuzlaşıb.

    "Report"un Dövlət Statistika Komitəsinə istinadən verdiyi xəbərə görə, hava nəqliyyatında MDB ölkələri üzrə sərnişindaşıma tarifləri 7,4% artıb, digər xarici ölkələr üzrə 8,7% azalıb, yükdaşıma tarifləri üzrə isə heç bir dəyişiklik müşahidə olunmayıb.

    Ay ərzində dəmir yolu nəqliyyatında MDB ölkələri üzrə sərnişindaşıma 2,7% ucuzlaşıb, yükdaşıma tarifləri isə sabit qalıb. Dəniz nəqliyyatında MDB və digər xarici ölkələr üzrə yükdaşıma tarifləri 0,3% enib, sərnişindaşıma tarifləri isə dəyişməyib.

    May ayında boru kəməri vasitəsilə neftin nəql olunma tarifi 0,3% artıb. Avtomobil nəqliyyatında yükdaşıma və sərnişindaşıma tarifləri üzrə isə heç bir dəyişiklik müşahidə olunmayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi