Bakı. 9 iyun. REPORT.AZ/ Bu ilin may ayında nəqliyyat sektorunda yükdaşıma tarifləri 0,1% bahalaşıb, sərnişindaşıma tarifləri isə 0,2% ucuzlaşıb.
"Report"un
Ay ərzində dəmir yolu nəqliyyatında MDB ölkələri üzrə sərnişindaşıma 2,7% ucuzlaşıb, yükdaşıma tarifləri isə sabit qalıb. Dəniz nəqliyyatında MDB və digər xarici ölkələr üzrə yükdaşıma tarifləri 0,3% enib, sərnişindaşıma tarifləri isə dəyişməyib.
May ayında boru kəməri vasitəsilə neftin nəql olunma tarifi 0,3% artıb. Avtomobil nəqliyyatında yükdaşıma və sərnişindaşıma tarifləri üzrə isə heç bir dəyişiklik müşahidə olunmayıb.