Yuxarı
    Bağlamaq

    Azərbaycanda iyunda sərnişindaşıma tarifləri artıb

    Ölkənin nəqliyyat sektorunda yükdaşıma tarifləri isə cüzi azalıb

    Bakı. 15 iyul. REPORT.AZ/ Bu ilin iyun ayında Azərbaycanın nəqliyyat sektorunda yükdaşıma tarifləri 0,1% ucuzlaşıb, sərnişindaşıma tarifləri isə 1,3% bahalaşıb. Bu barədə "Report"a Dövlət Statistika Komitəsindən məlumat verilib.

    Hava nəqliyyatında MDB ölkələri üzrə sərnişindaşıma tarifləri 7,1%, digər xarici ölkələr üzrə 4,1% bahalaşıb, yükdaşıma tarifləri üzrə isə heç bir dəyişiklik müşahidə olunmayıb.

    Ay ərzində dəmir yolu nəqliyyatında MDB ölkələri üzrə sərnişindaşıma tarifləri 11,7% artıb, yükdaşıma tarifləri isə sabit qalıb.

    Dəniz nəqliyyatında MDB və digər xarici ölkələr üzrə yükdaşıma tarifləri müvafiq olaraq 1,4% və 1,1% azalıb, sərnişindaşıma tarifləri isə sabit qalıb.

    Avtomobil nəqliyyatında yükdaşıma və sərnişindaşıma tarifləri üzrə isə heç bir dəyişiklik müşahidə olunmayıb. 

    İyun ayında boru kəməri vasitəsilə qazın nəql olunma tarifi 0,1% ucuzlaşıb, neftin nəql olunma tarifi isə sabit qalıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi