Yuxarı
    Bağlamaq

    Azərbaycanda ilk sosial evləri tikən şirkətlər məlum olub

    Tenderin hər lot üzrə bir olmaqla ümumilikdə üç qalibi var

    Bakı. 7 mart. REPORT.AZ/ Mənzil İnşaatı Dövlət Agentliyinin tabeliyində olan “MİDA” MMC tərəfindən 3 lot üzrə elan edilmiş tenderin qalibləri müəyyən edilib. “Report” xəbər verir ki, tenderin hər lot üzrə bir olmaqla ümumilikdə üç qalibi var.

    Məlumata görə, lot-1 üzrə “NN Group” MMC, lot-2 üzrə “Hünər İnşaat” firması və lot-3 üzrə “11 saylı İxtisaslaşdırılmış Dəmir Yolu Müəssisəsi” MMC qalib müəyyən edilib və müvafiq satınalma müqavilələri imzalanıb.

    Xatırladaq ki, Bakı şəhərinin Yasamal rayonu ərazisində xarici dairəvi avtomobil yolunun kənarında (Qanlı gölün şimal hissəsi) yaşayış kompleksinin tikintisi ilə əlaqədar tender elanı dekabrın 3-də elan olunub. Lot-1 üzrə 5 yaşayış binasının (qeyri-yaşayış sahələri ilə birlikdə) tikintisi, lot-2 üzrə 4 ədəd yaşayış binasının (qeyri-yaşayış sahələri ilə birlikdə) tikintisi, lot-3 üzrə isə ərazinin şaquli planlaşdırması, yollar, səkilər və istinad divarlarının tikintisi, abadlıq və yaşıllaşdırma işləri həyata keçirilməlidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi