Azərbaycanda hava nəqliyyatı ilə sərnişin daşınması 6%-dən çox artıb

Bu ilin yanvar-iyun aylarında Azərbaycanda hava nəqliyyatı ilə 1 127,5 min nəfər və yaxud ötən ilin eyni dövrü ilə müqayisədə 6,3% çox sərnişin daşınıb.

Dövlət Statistika Komitəsindən “Report”a verilən məlumata görə, daşımaların 99,9%-i dövlət, 0,1%-i isə özəl müəssisələrə məxsus nəqliyyat vasitələri ilə həyata keçirilib.

Son 1 ildə hava nəqliyyatı ilə yükdaşımanın həcmi isə 5,9% azalaraq 94,3 min tona düşüb.