Yuxarı

Azərbaycanda sərnişin qatarları yeni hərəkət cədvəlinə keçirilir - CƏDVƏL

Yenilik dekabrın 13-dən qüvvəyə minir

Bakı. 9 dekabr. REPORT.AZ/ Azərbaycan dəmir yollarında beynəlxalq və yerli istiqamətdə hərəkət edən sərnişin qatarları dekabrın 13-dən etibarən yeni təsdiq olunmuş cədvəl üzrə hərəkət edəcək. Bu barədə "Report"a "Azərbaycan Dəmir Yolları" QSC-nin Mətbuat Katibliyinin rəisi Nadir Əzməmmədov məlumat verib.

Məlumata görə, 55/56 nömrəli Bakı-Moskva-Bakı sürət qatarı həftədə bir dəfə (IV günlər), 369/370 nömrəli Bakı-Xarkov-Bakı sərnişin qatarı qış mövsümündə 14.04.2016-cı ilədək və 19.10.2016-cı ildən 08.12.2016-cı ilədək dörd gündən bir, ayın tarixləri ilə Bakı-Minvodı-Rostov-Valuyki-Topoli-Xarkov marşrutu ilə; 449/450 nömrəli Bakı-Xarkov-Bakı sərnişin qatarı yay mövsümündə 23.04.2016-cı ildən 15.10.2016-cı ilədək, həftədə iki dəfə (II və VI günləri), Bakı-Həştərxan-Volqoqrad-Valuyki-Topoli-Xarkov marşrutu ilə, 391/392 nömrəli Bakı-Rostov-Bakı sərnişin qatarı yay mövsümündə 24.04.2016-cı ildən 17.10.2016-cı ilədək, dörd gündən bir, ayın tarixləri ilə hərəkət edəcək.

Bundan başqa, texniki səbəblərə görə 55/56 nömrəli Bakı-Moskva-Bakı sürət qatarı Bakıdan 31.12.2015-ci il tarixdə, geriyə Moskvadan 02.01.2016-cı il tarixdə bir reys hərəkətdə olmayacaq. 369/370 nömrəli Bakı-Xarkov-Bakı sərnişin qatarı 2015-ci ildə axırıncı dəfə dekabrın 25-də, 2016-cı ildə isə birinci dəfə yanvarın 9-da Bakıdan yola düşəcək. 

Ölkə daxilində hərəkət edən sərnişin qatarları, Bakıdan çıxma və Bakıya çatma vaxtlarında bəzi dəyişiklik edilməklə, öz hərəkət cədvəli üzrə hərəkətdə olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi