Yuxarı
    Bağlamaq

    ​Azərbaycana avtomobil idxalı kəskin azalıb

    Mikroavtobus və avtobusların ölkəyə idxalı isə 2,6 dəfə artıb

    Bakı. 21 dekabr. REPORT.AZ/ Azərbaycana avtomobil idxalı ötən ilin eyni dövrü ilə müqayisədə 2,2 dəfə və ya 31 157 ədəd azalaraq 2015-ci ilin yanvar-noyabr ayları ərzində 25 647 ədəd təşkil edib.

    "Report"un Dövlət Gömrük Komitəsinə istinadən verdiyi xəbərə görə, bunun 22 746 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri olub. Beləliklə, minik avtomobillərinin idxalında ötən ilin eyni dövrü ilə müqayisədə 2,3 dəfə, yaxud 28 843 ədəd azalma müşahidə olunub.

    Komitənin yaydığı hesabata əsasən, yük daşımaq üçün motorlu nəqliyyat vasitələri idxalı illik 2,5 dəfə və ya 2 709 ədəd azalaraq 1 871 ədəd təşkil edib.

    Sürücü də daxil olmaqla, 10 nəfər və ya da çox adam daşımaq üçün nəzərdə tutulmuş motorlu nəqliyyat vasitərləri isə əksinə 2,6 dəfə və ya 493 ədəd artaraq 803 ədəd olub.

    Xüsusi təyinatlı motorlu nəqliyyat vasitələri idxalı ötən ilin müvafiq dövrü ilə müqayisədə 30,2% azalaraq 227 ədəd təşkil edib. 

    DGK-nin hesabatına əsasən, noyabr ayında ölkəyə cəmi 1 428 ədəd avtomobil idxal olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi