Azərbaycan sahibkarları Monteneqronun iki aeroportuna investisiya qoymağa dəvət olunub

“Monteneqro hökuməti ölkənin 2 aeroportunun idarəetməyə verilməsi ilə bağlı beynəlxalq tender elan edəcək”.

"Report" xəbər verir ki, bunu jurnalistlərə Azərbaycan-Monteneqro Hökumətlərarası Komissiyasının həmsədri, Əmək və Əhalinin Sosial Müdafiəsi naziri Sahil Babayev deyib.

“Monteneqro rəsmiləri bu məsələ ilə bağlı Azərbaycan şirkətlərini məlumatlandırmağımızı istəyirlər. Biz qərara aldıq ki, hər iki ölkədə olan investisiya layihələri barədə məlumatları bölüşək”, - o qeyd edib.