Yuxarı

​Azərbaycan Rusiya şirkəti ilə iki gəminin tikintisinə dair müqavilə imzalayacaq

Bakıdan olan sifarişçi üçün RST27 layihəli tanker inşası planlaşdırılır

Bakı. 25 mart. REPORT.AZ/ Rusiyanın Nijeqorod vilayətinin "Krasnoe Sormovo" gəmiqayırma zavodu martın sonunadək Azərbaycan üçün iki tankerin tikintisinə dair müqavilə imzalayacaq.

"Report" xəbər verir ki, bu barədə cümə günü jurnalistlərə müəssisənin baş direktoru Nikolay Jarkov məlumat verib.

"Martın sonunadək Bakıdan olan şirkət ilə "RST27" layihəli iki tankerin inşasına dair müqavilə imzalayacağıq", - deyə o bildirib.

Baş direktor imzalanacaq müqavilənin detallarını açıqlamayıb.

"RST27" tipli tankerlər neft və neft məhsulları daşımaq üçün nəzərdə tutulan "çay-dəniz" sinifli özüyeriyən gəmilərdir. Tanker eyni zamanda iki növ yük daşımaq imkanına malikdir. Gəminin qabarit uzunluğu 140, eni isə 16 metrdir. Dənizdə 4,2 metr suya oturma dedveyti 6980 tondur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi