“Azərbaycan Dəmir Yolları” sərnişinlərə müraciət edib

Bakı. 12 dekabr. REPORT.AZ/ Bakı-Sumqayıt-Bakı istiqamətində sərnişin sıxlığının tənzimlənməsi məqsədi ilə bu gündən başlayaraq dekabrın 15-nə qədər (15-i də daxil olmaqla) Bakıdan saat 18:30-da yola düşən 6013 nömrəli, Sumqayıtdan isə saat 07:45-də yola düşən 6006 nömrəli Bakı-Sumqayıt-Bakı elektrik qatarlarına əlavə heyət qoşulacaq.

“Report” xəbər verir ki, bu barədə “Azərbaycan Dəmir Yolları” QSC-nin açıqlamasında bildirilir.

Məlumata görə, bununla əlaqədar qatarlar birləşdirilmiş halda ikiqruplu qatar kimi hərəkət edəcək.