“Azəravtoyol”un traktoru Xırdalanın bir hissəsini işıqsız qoyub

Bakı. 28 noyabr. REPORT.AZ/ Bu gün səhər saatlarında Xırdalan şəhərinin Quşçuluq massivi ərazisində yol inşaatını həyata keçirən “Azəravtoyol” ASC-nin traktoru yeraltı elektrik xəttini zədələyib.

“Report”un əldə etdiyi məlumata görə, “Saray 2” adlanan xəttin zədələnməsi nəticəsində adıçəkilən massivə elektrik enerjisinin verilişində fasilə yaranıb.

Məlumatda deyilir ki, bir neçə saat işıqsız qalan massivə günorta saatlarında elektrik enerjisinin verilişini təmin etmək mümkün olub.