AZAL-ın təyyarəsi məcburi eniş edib

Bakı. 8 may. REPORT.AZ/ "Azərbaycan Hava Yolları" QSC-nin (AZAL) bu gün saat 08:59-da havaya qalxan, J2-075 Bakı (GYD) - İstanbul (IST) reysini yerin yetirən hava gəmisinin komandiri texniki səbəbdən Heydər Əliyev Beynəlxalq Aeroportuna geri dönməyə qərar verib. 

“Report” xəbər verir ki, bu barədə AZAL məlumat yayıb.

Təyyarə Bakı hava limanında yerli vaxtla saat 09:33-də uğurlu eniş edib. Reysin sərnişinləri digər bir təyyarə ilə İstanbula yola salınacaqlar.

Reysin statusu yeniləndikcə əlavə məlumat veriləcək. 

AZAL yaranmış narahatlığa görə üzr istəyib.