Yuxarı
    Bağlamaq

    ​AZAL-ın Praqa və Milana olan reyslərinə fasilə verilib

    Bu istiqamətdə reyslər yayda bərpa ediləcək

    Bakı. 17 mart. REPORT.AZ/ “Azərbaycan Hava Yolları” QSC-nin (AZAL) Praqa və Milan istiqamətində həyata keçirdiyi reyslər sərnişin azlığı səbəbindən müvəqqəti dayandırılıb. Bunu “Report”a açıqlamasında AZAL-ın mətbuat xidmətinin rəhbəri Paşa Kəsəmənski deyib.

    Mətbuat katibi bildirib ki, sözügedən istiqamətdə reyslər ləğv edilməyib: “Bu reyslərə yaya qədər fasilə verilib. Göstərilən marşrutlar üzrə uçuşlar iyun ayından etibarən bərpa ediləcək. Hazırda bu istiqamətlərə qeyd edilən vaxta bilet almaq mümkün olasa da, uçuşlar yalnız iyundan başlayacaq”.

    P.Kəsəmənski qeyd edib ki, həyata keçirilən Milan (A320-200 təyyarəsi) aviareysi üzrə Bakıdan sonuncu uçuş aprelin 1-də, Praqa (A 320 təyyarəsi) marşrutu üzrə isə martın 30-da həyata keçiriləcək. Şirkət sözügedən marşrutlar üzrə uçuşları Milana iyunun 10-dan, Praqaya isə iyunun 1-dən bərpa edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi