AZAL Bakı-Krasnoyarsk aviareysini ucuzlaşdırıb

Bakı. 7 iyul. REPORT.AZ/ “Azərbaycan Hava Yolları” QSC Bakı-Krasnoyarsk istiqamətindəki uçuşlarında xüsusi aksiyaya start verib. Şirkətdən “Report”a verilən məlumata görə, uçuşun qiyməti 170 avrodur (197 manat).

Biletlərin satışı və uçuşlar avqustun 7-nə kimi davam edəcək. Aviabiletin dəyişdirilməsi və qaytarılmasına icazə verilmir. Bu siniflər üzrə "mile" ballar hesaba əlavə olunmur, məntəqədə maksimum qalma müddəti bir aydır, qiymətlərə yığımlar və rüsumlar daxildir.