Yuxarı

Azərbaycanda nəqliyyat sektorunda ucuzlaşma olub

Hava nəqliyyatında sərnişindaşıma tariflərində isə bahalaşma qeydə alınıb

Bakı. 9 sentyabr. REPORT.AZ/ Bu ilin avqust ayında nəqliyyat sektorunda yükdaşıma tarifləri 0,2%, sərnişindaşıma tarifləri isə 0,9% ucuzlaşıb.

Bu barədə “Report”a Azərbaycan Respublikasının Dövlət Statistika Komitəsindən məlumat verilib. Məlumata görə ay ərzində hava nəqliyyatında sərnişindaşıma tariflərində MDB ölkələri üzrə 4,2% bahalaşma, digər xarici ölkələr üzrə isə 11,8% ucuzlaşma müşahidə olunub.

Avqust ayında boru kəməri vasitəsilə neftin nəql olunma tarifi 0,9% ucuzlaşmış, dəniz nəqliyyatı vasitəsilə digər xarici ölkələrə yükdaşıma tarifləri isə 4,3% bahalaşıb.

Avtomobil nəqliyyatında yükdaşıma və sərnişindaşıma tarifləri üzrə, dəmir yolu nəqliyyatında isə sərnişindaşıma tarifləri üzrə avqust ayında heç bir dəyişiklik müşahidə olunmayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi