Yuxarı

AAYDA Bakının Babək prospektinin təmiri ilə bağlı səslənən ittihamlara münasibət bildirib

AAYD-ın İdarə Heyətinin sədri Saleh Məmmədov

Bakı. 22 fevral. REPORT.AZ/ "Bəzi insanlar yol təmirindən anlayışları olmadığı halda paytaxtın Babək prospektinin təmiri barədə əsassız iddialar səsləndirirlər. Həmin şəxslər Azərbaycan Avtomobil Yolları Dövlət Agentliyinin (AAYDA) gördüyü işlərə kölgə salmaq istəyirlər".

"Report" xəbər verir ki, bunu jurnalistlərə açıqlamasında Agentliyin İdarə Heyətinin sədri Saleh Məmmədov deyib.

“Biz Babək prospektində yeni yol tikməmişik. Bu yol 1980-ci illərdə salınıb, 1996-98-ci illərdə Bakı şəhər İcra Hakimiyyəti tərəfindən yenidən qurulub. Həmin yolun aşınma müddəti keçdiyinə görə, Prezident yolun yenidən qurulması barədə tapşırıq verib. Biz də mövcud yolu yenidən bərpa etmişik. Orda müəyyən aşınmaya məruz qalmış hissələr yenidən bərpa olunub və asfalt vurulub. Lazım olan yerlərdə yol genişləndirilib, Bakı Nəqliyyat Agentliyinin verdiyi plana uyğun avtobus dayanacağı və ikitərəfli avtobus hərəkətinin tənzimlənməsi üçün yol xətti çəkilib. Bəzi insanlar Azərbaycanın inkişafını istəmirlər, quruculuq və abadlıq işlərinə kölgə salırlar. Əgər onlar bu inkişafı görmək istəmirlərsə, demək azərbaycanlı deyillər", - sədr qeyd edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi