YARAT Murad İbrahimbəyovun filmlərini nümayiş etdirəcək

Bakı. 28 noyabr. REPORT.AZ/ Noyabrın 29-da YARAT incəsənət mərkəzində rejissor və ssenarist Murad İbrahimbəyovla görüş baş tutacaq.

YARAT-ın mətbuat xidmətindən "Report"a verilən məlumata görə, görüşdə rejissorun “Adi əhvalatlar” komediyası və “Obyekt №1” kino-novellası nümayiş etdiriləcək.

“Obyekt №1” filmi 2009-cu ildə Beynəlxalq Venesiya Kinofestivalının proqramına daxil olub.

Film Moskvanın qüllələri və şpillərində bəzək əşyalarının gözəlliyinə nəzarət edən iki mifik təmir işçilərinin kosmonavtlıq macəralarından bəhs edir.