Yuxarı

Xalq yazıçısı Elçinin əsəri Musiqili Teatrda səhnəyə qoyulacaq

Baladadaşın toy hamamı əsərinə Cənnət Səlimova quruluş verəcək

Bakı. 4 fevral. REPORT.AZ/ Xalq yazıçısı Elçinin “Baladadaşın toy hamamı” əsəri əsasında hazırlanan musiqili komediya Azərbaycan Dövlət Musiqili Teatrında səhnəyə qoyulacaq.

Bu barədə "Report"a Musiqili Teatrın mətbuat xidmətindən məlumat verilib.

Qeyd edək ki, tamaşanın bəstəkarı Firudin Allahverdi, liberetto müəllifi isə Nofəl Vəliyevdir.

Tamaşada səslənəcək mahnıların sözləri Vuqar Əbdülova məxsusdur. Yazıçının məşhur hekayəsinin motivləri əsasında səhnələşdirilən əsərin quruluşçu-rejissoru Azərbaycan Respublikasının xalq artisti, “Şöhrət” ordenli Cənnət xanım Səlimova, quruluşçu-dirijoru əməkdar incəsənət xadimi Nazim Hacıəlibəyov, quruluşçu rəssamı xalq rəssamı Tahir Tahirov, rəssamı Elgün Vəliyev, baletmeystrləri Yelena və Zakir Ağayevlərdir.

Tamaşada əsas obrazları xalq artistləri Fatma Mahmudova, Ramiz Məmmədov, əməkdar artistlər Çingiz Əhmədov, Ələkbər Əliyev, Nərgiz Kərimova, Nahidə Orucova, Əkbər Əlizadə, Novruz Əliyev, aktyorlar Möylə Mirzəliyev, Gültac Əlili, Türkel Şabanova və başqaları canlandıracaqlar.

Baş qəhrəman – Baladadaş obrazını teatrın gənc aktyoru Elvin Əliyev ifa edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi