Bakı. 10 fevral. REPORT.AZ/ Azərbaycanın xalq artisti, pianoçu Rauf Atakişiyevin 90 illik yubileyinə həsr olunan konsert proqramı keçiriləcək.
M.Maqomayev adına Azərbaycan Dövlət Filarmoniyasından "Report"a verilən məlumata görə, konsert fevralın 13-də olacaq.
Konsert proqramında Ü.Hacıbəyli adına Azərbaycan Dövlət Simfonik Orkestri çıxış edəcək. Orkestrin bədii rəhbəri və baş dirijoru Rauf Abdullayev, dirijor Yalçın Adıgözəlovdur.
Konsertdə Fərhad Bədəlbəyli, Murad Adıgözəlzadə, Ülviyyə Hacıbəyova çıxış edəcək.
Qeyd edək ki, Rauf Atakişiyev 1925-ci il iyulun 15-də anadan olub. Lirik-dramatik tenor səsi olan R.Atakişiyev həm də pianoçu olub.